Knicq

Lafz Puraney.
knicq posted in Roman Urdu, Yawariyat on January 19th, 2007

Fasana-e-dard raqam karne baitha tha,

Nae zakham pe,

Marham rakhne baitha tha,

Kitni hee sa’aten beet gaeen,

Main jahan baitha tha,

Waheen baitha tha.

Pehrun qalam thamey haath main,

Korey kaaghaz pe nazren jamai baitha tha,

Lafz kai the’,

Jo nauk pe thartharatey rahey,

Kehalwane ko taRapte rahey,

Likhe jaaney ko kehelwatey rahey.

Magar ehsaas ke tarazoo main,

Aik bhi to poora nahin utarta tha.

Lafz kai the’,

Magar lafz puraney the’ sab,

Purane’ marhamun se bhi,

Kabhi ilaaj-e-zakhm-e-nau hota hai?

Jub chot nai lagti hai,

Ilaaj bhi az-sir-e-nau hota hai.

Tees nai uth’ta hai,

To ehsaas naya hota hai,

Har ehsaas ke saath,

Aansoo nae rawaan hotey hain,

Yunhi karb khel hota hai.

Yunhi karb khel hota tha,

Yunhi pehrun guzar jaatey the’,

Phir qalam hota tha,

Aur korey kaaghaz ke daaman main,

Kahin koi aansoo abadi neend sota tha!