First Draft - Aasman ke neechey.
knicq posted in Knicqisms, Yawariyat on January 21st, 2006
Usi aasman ke neechey tum,
Usi ke neechey hum hain,
Zindagi apni rawish pe rawaan,
Jaisey kuch huwa hi to nahin.
Kaisi hawa hai yeh?
Jis kee zad main…
Tum bhi ho,
Hum bhi hain.
Jaaney is ko khabar bhi hai…
Yeh kin lamhon ko utha layee hai.
Jaaney aasman ko nazar bhi aata hai…
Kaisey qatron main samandar bharey jaatey hain?
Dil yaad ka baadban taaney…
Kis kis bhanwar se guzraa hai.
Siskiyaan labon tak aa aa kar…
Dum tod gayee hain.
Aah nikal nikal gayee hai…
Aankh bhar see gayee hai…
Waqt ko khabar tak na huwi…
Aur kaisi qayamat guzar gayee hai!
Usi aasman ke neechey hum,
Usi ke neechey tum ho,
Zindagi apni rawish pe rawaan…
Jaisey kuch huwa hi to nahin!
January 21st, 2006 at 7:29 pm
I wonder if this draft needs any further editing.
Superbly done, as always.
January 22nd, 2006 at 1:48 am
Thanks Saadat. Alf mabrook on your Hajj, taqabbal Allah insha Allah.
I can still not leave comments on your blog…though i admit I have not tried today.
January 22nd, 2006 at 6:15 am
Bhayya G,
Hamari ikko-i-ik gheir-haazri aur aapki
Inya’n Lamya’n Lamya’n Posta’n !!
————————————
Draft-e-Awwal wasool paaya
Draft-e-Dowwum dekhny ki khwahish hai
January 22nd, 2006 at 12:48 pm
Bhai your blog with all these X-meter long posts could Transform me to English Medium…
…afraid I’m
January 23rd, 2006 at 3:31 am
Aziza, draft-e-duwwam ka mujhey bhi intizar hai…rahee baat lammiyan postan kee, to frequent aur lammiyan main se aik ka intikhab darpaish tha…chunke frequent ba’eed iz qayaas hai, socha lammiyan ke rah apnai jaye.
Doosrey ghair hazri ka khumyaza aik dafa bhugat lene ke ba’ad ummeed hai keh ainda shikayat ka moqa nahin diya jayega….:)
Ab rahee…English Medium kee baat…to bibi, Hazrat-e-Meer ne dauran-e-safar munh par kas ke dhaata baandh liya tha ta keh kochwan se baat ka imkaan na ho, ke zubaan ghair se hamari zubaan kharab hoti hai…aur tum kochwan hee ko ustad ka darja deney par musir ho…
Khol aankh, zameen dekh, falak dekh, fiza dekh categories main chamakte huwe sooraj ko zara dekh…:)
January 23rd, 2006 at 3:53 am
Did I say categories?…I meant Links!